A UN TOR DA MÒNTA

Ta j u n'dé d'l'impurtènza!
 Un dé a cavàl d'una
cl'èlt dé a cavàl d'clèltra  
t'cì fôrt e t'cì arzéll
cumpàgna un mandréll.
Dòp ta t'lév la bòca
e t'racunt a j avsén
che dal femmni s'ta n'vù
ta n'atrùv un strassén.
Ta n'dì mìgh ch'l'è tött vàchi
ch'a gli è sèmpra in amôr,
bàst ch'al vàga me tòr!
T'é parfina la môj
ch'lè una fèmna pucsìa
e l'è una vàca ènca lìa!
Stìmti, stìmti, ignurènt,
e pö guèrdti t'e spècc:
acsè t'avdiré
a ch'fàtt côrni ta j é!