Ritorna

BÒCA 'MÈRA

CAMPIONATO DI CALCIO - SERIE A
7 Aprile 1974 - Juventus 2   Cesena 0

L'è stè un'idéa sciòca
quéla de mi burdèll
 ad cumprè da Ciarèll
che scartòzz d'ànmi.

E par sfughè e narvôs
a m'sò méss a rusghè,
parò a so 'rvénz freghè
tött la zurnèda:

Sìa parchè agli éra vèci
e sìa par la möffa
a j n'avéva una stöffa
ch'u l'sa l'òss-cia!

A j ho cménz d'int la prèma
a masdghén dal stantéji
e u m'sè infiambè al zanzéji,
u m'sè arviné la böca.

Ch' a v'dscöra dla partìda?
An la j ò vésta cièra:
soltènt la böca 'mèra
la m'è resta!