Ritorna

DORMA, CESENA

Dôrma, Cesèna, dôrma, bèla stèla,
sötta e pont Vèçç e Sèvi u t'fa la nàna
la Ròca e e Mònt i fa da sintinèla
la Funtèna la t'chènta una sturnèla.

Dôrma, Cesèna,
la nòta la è cièra,
tött quènt al stèli
al rìd int e zìl;
Zétt, Campanòn,
no fa dla cagnèra
stàm da sintì,
làssla durmì.

Quènt t'cì bèla, Cesèna banadètta,
t'cì fiôla dla Rumàgna tött in fiôr,
al culèni al t'abràzza strètta, strètta,
 e' mèr par fè l'amôr l'è lé ch'l'aspètta.