E
SÈVI
(....e
quella cui il Savio bagna il fianco ...)
( Dante: Divina Commedia)
E
Sèvi e cala zö da la culèna,
cmè un nàstar d'séda u s'snôda int la valèda
e andànd in prìscia vérs a la marèna
e chènta a ogni paés la serenèda.
Bàgn
e San Pìr u i töcca e la manzèna,
u i scrécca l'òçç ad cùrsa e via d'vulèda,
a Sèrsna u la saluta cun la mèna,
pù e travérsa Marchè cmè una s-ciuptèda.
Mo
apèna ch'u s'afàzza a la pianùra,
ecco Cesèna che la l'sta d'astè
e u s'métt andè pianìn, sènza primùra:
la
è tènta bèla che l'ha sméss d'cantè;
e da un bès a e Pònt Vèçç, un a la Mùra
e pö e suspìra cmè un innamurè.
|
