Te t'cì cumè cumè l'ônda
ch'la bèsa la spônda
ch'la vèn e ch'la va
che férma la n'sta:
la crèss, la s'artìra,
la frölla, la zìra,
la s'smàna, la s'möccia
e la schèva la ròccia.

Te t'cì cmè la néva
ch'la s'pòna int la séva,
ch'la càla lizìra:
e vènt u la tìra
piö biènca, piö fèna,
cumpàgna farèna...
...la dvènta pesènta
e la rèma la s's-ciènta.

Te t'cì cmè una rôsa
zantìla, carnôsa
che apèna sbuzzlèda,
la e piö delichèda,
che quant la j è in fiôr
la è pìna d'udôr...
s't'la töcc cun al dìdi
la t' làssa al ferìdi.

Cmè l'ônda t'insést
e u n'j è modi ad resést;
cmè néva t'cupréss,
cmè rôsa t'feréss,
però sènza d'té
nissùn e pò stè:
de mönd t'cì padrònda
e t'cì sôl una dòna!