Ritorna

ZENCV AD ZNER

La félza dla lùna d'àrzent
La brélla int e zìl d'madrepérla;
l'è un frèdd ch'u l'sa l'oss-cia!
la néva giazzéda
a pistèla la scròccla.
T'e biénch dla campàgna
e spécca i fantèsma dal piènti
che pè di zighènt ad carbòn
chi t'vöja vnì dòss.
E tìra un vangìn
ch'u t'taja la fàzza,
u t'èntra int agli òssi,
u t'zéla agli urècci.
Datònda
u n' arfièda nissùn...
ogni tènt un cagnàzz int la fònda,
e bàja a la lùpa
e u t'fa strimulì,
u t'fa paùra...
"O bà,
andèma a chèsa,
parchè l'ha da vnì la Befana
stanòta".